لأن المصاروه بطبعهم شعب خفيف الدم فهو لم يعدم البسمه حتى فى أحللك اللحظات
.. نكت وزواج فى الميدان والإستفتاءات .. روح عاليه وأصاله راقيه
بصراحه عمرى ما لقيت ولا هلاقى حد زينا

have fun

---------------------------------------------


11يناير

بيقولك حسنى عاوز يهد الهرم التالت ليه ؟؟؟
عشان يبقى خادم الهرمين

مذيعة بتسأل فخامته بردو بتقوله يا ترى سيادتك ليه ما ينفعش ست تكون رئيسة الجمهورية
قالها يا بنتى و الله انا ماخلفتش بنات

ايه الفرق بين حسني مبارك و مجدي عبد الغني؟؟
واحد بيذلنا بضربة جزاء اللي جابها في هولندا
.
.
.
.
.

والتاني بيذلنا بالضربة الجوية

===========================


17 يناير

*الفرق بين الشعب المصري والتونسي؟؟
ان الشعب التونسي تقول له ثور فيثور والشعب المصري تقول له ثور يقول احلبوه
. تونس اختارت التغيير و مصر اختارت شيبسي بالجمبري.
. الشعب التونسى أراد الحياة فاستجاب القدر .. الشعب المصرى أراد “الحياة” لقاها على تردد 11255 أفقى
..بمناسبة التغيير .. احنا اكبر تغيير حصل في بلدنا الفترة اللي فاتت نزول جدو في اخر ربع ساعة يجيب جون.
. الحكومه تنفي حدوث ثوره في تونس وتبرر هروب الرئيس التونسي بأنه ماس كهربائي والطبيب الشرعي يؤكد أن الشعب التونسي إبتلع لفافة بانجو
ليه شباب تونس بيتظاهروا في الشوارع هو مفيش عندهم فيسبوك


*مبارك كان في زياره لدوله عربيه وواقف مع رئيسها في بلكونه قصره
فمبارك بيقوله ( انت بتجيب الفلوس اللي عندك دي كلها منين )
قاله بص شايف الكوبري اللي هناك ده
مبارك (اه)
قاله اتكلف 100مليون وقلت انه اتكلف مليار وهاكذا
بعدها بسنه الرئيس ده جه مصر
وهو واقف مع مبارك في بلكونه قصره ساله يا مبارك بتجيب فلوسك منين
مبارك (شايف الكوبري اللي هناك ده)
قاله مفيش كوبري اساسا
مبارك( اهو ده بقي اتكلف 2 مليار) [smile3.gif]

*فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
......رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين


*محشش يفكر بالسياسة قبل 25 يناير ويتساءل
: ليه رئيس الجمهورية اسمه مبارك والشعب منحوس؟
ليه رئيس الوزراء اسمه نظيف والتلوث قاتلنا؟
ليه رئيس مجلس الشعب اسمه سرور والغم راكبنا؟
ليه وزير المالية اسمه غالي والشعب رخيص؟ ل
يه وزير الداخلية اسمه العدلي والشعب مظلوم؟
ليه وزير التربية والتعليم إسمه زكي والعيال اغبياء؟

===========================

28 يناير

*ممكن تمشي ياريس...؟؟؟
اضرب يا عسكري بالنار....

ياريس لوسمحت امشي ..
هه؟؟

ياريس بليز امشي ...
طيب انا فهمتكوا ...هغيرلكوا الوزاره وامشي العادلي ....

يا ريس عاوزينك تمشي ....
ايوه انا قاعد لاخر الفتره متخافوش انا غيرت لكوا الحكومه ....

يا ريس امشي بقايه كفايه ...
انا اهه زي ماوعدت قاعد للاخر وهدي السلطات للنايب بتاعي ...

ياريس غور بقي من هنا .........
كفااااااااااااااااااااااااااااااااااااااااايه ........
هي الناس دي سمعها بطي فعلا ؟؟


*الخطاب القادم للريس:
ايها الشعب .....لقد كنتم مع برنامج الكاميرا الخفيه
وال30 سنه اللى فاتوا اتصوروا لو تحبوا نذيع هنذيع

*يعنى ايه كوك زيرو ان الزمالك يلعب احسن موسم فى تاريخة والدورى يتلغى
يعنى نطلب من الرئيس التنحى من الرئاسة يقوم يغير الحكومة
يعني نخلص امتحانات والشرطة هي اللي تاخد أجازة نص السنة
يعني مصر تعمل مظاهرات والجزائر تلغي قانون الطوارىء
يعنى العساكر والظباط تأخد أجازة نص السنة واحنا نقف خدمة طول الليل
...يعني احنا نعمل ثورة والمساجين هما إللي يتحرروا
يعنى الحكومة تعمل حظر تجول والرئيس هو اللى الوحيد اللى يلتزم بيه


*اثناء تنفيذ القوات المسلحة لقانون حظر التجول..
بيبقوا قاعدين زهقانين و واقفين كدة و مش عارفين يعملوا ايه..
لما بيحبوا يتسلوا بيلعبوا ايه؟؟؟
..
..
.....
..
بــنك الحظر


*
left 4 dead
دى مبقتش لعبه .. دى بقت حقيقه
ودا الجديد من حسنى مبارك

*من النهارده مفيش حكومه .. أنا الحكومه

*العيال بقوا رجاله .. وبدل ما بقوا يشيلوا مصاصات وأعلام بقوا يشيلوا أسلحه وسكاكين
حقيقى خلتنا رجاله .. شكرا يا ريس

*واحد بيسئلوه يعني ايه كوك زيرو ... راح قالهم يعنى تبقى واقف فى اللجنه الشعبيه بتحشش و يجى البوكس تقوم مفتشه

*ايه اكتر مغنية بيحبها شباب اللجان الشعبية ؟
..
..
.....
..
..
الفنانة..شومه

*يا جماعة خدوا بالكم، في بلطجية بيطلعوا في الاحلام، محدش ينام! او لو هتناموا، ناموا في مجموعات.
جار ابن خالة واحد صاحب اخويا الانتيم نام لواحده و مش عارفين نلاقيه لحد النهاردة....
.لو سمحت انشروا الموضوع الخطير ده بسرعة لاهميته القصوى....ولكم الاجر و الثواب

===========================

5 فبراير

*خبر عاجل : الرئيس التونسي يدخل على الأذاعة السعودية و يهدي اغنية
"بستناااااااك "للرئيس حسني مبارك

*النومينيييز لـ هيدا الاسبوع :
1-حسني مبارك من مصر
2- الرئيس اليمني من اليمن
3-عبد الله صالح من اليمن
صوت لرئيسك المفضل و اربح معاه عمرة للسعودية


*حسني مبارك يتصل على الرئيس
التونسي(زين بن علي) ويقوله : إذا بتنام بدري حط لي مفتاح الغرفه تحت الباب

===========================

*سألوا الرئيس عن رأيه في
التغيير
قال التغيير ده سنة الحياة
قالوا طب وسيادتك مش هتتغير
قال: أنا فرض مش سنة

*بعد خطابه الثانى :
من أقوى طرائف الأحداث : مبارك لا يريد أن يتنحى خوفا على مصر من الفوضى !!!

*عااااجل: مجموعة من الجراحين الألمان يتوجهون إلى مصر لإجراء محاولة لفصل التوأمين، مبارك والكرسي

*مادة 534 من الدستور: إذا مات الرئيس يتم تشكيل لجنة لتحضير روحه لإدارة المرحلة الانتقالية

*مادة 535 من الدستور: إذا فشل تحضير روح الرئيس تلغى الدولة ويلغى الدستور وتسرح القوات المسلحة ويوزع الشعب على الدول المجاورة

*"و بعدين يا ريس ؟! لو رحيلك in public وما فيهوش feelingsيبقي so what؟"

===========================



*الخطوة الجاية لمبارك هيطلق سوزان يمكن الشعب يهدى شوية


* لو ثورة 25 يناير نجحت حنقابل تونس في النهائي


*عاجل:
سيتم إنتقال السلطة بشكل سلمي وجدول زمني محدد الجدول هو
الرئيس يحكم أحد وثلاثاء وخميس
عمر سليمان سبت وإثنين وأربعاء
ويوم الجمعة مرة شفيق ومرة الجيش إلي يصحا الأول


*سرور لمجلس الشعب:ياعزيزى كلنا لصوص
مصر و تونس:ولاد العم
جمال مبارك :شبه منحرف
365 يوم اعتصام
...25 يناير :يوم من عمرى
زين العابدين لمبارك:كلمنى شكرأ
عمر سليمان :محترم الا ربع
احمد شفيق:جعلونى مجرما

*بما اننا بقينا جيل الثورة بقترح اننا نعيد انتاج بعض الافلام مثل الرصاصة المطاطية لا تزال في جيبي ..
عودة النت .. لا اختنق و لكني استغيث .. ستاتس هزت عرش مصر .. فى بيتنا نت .. ليلة القبض على عز ..
عض بلدي ولا تعض نتي .. جاءنا الرئيس التالي ..
نحن لا نرمى المولوتوف .. مهمه في ميدان التحرير .. الريس عمر سليمان .. حراميه في لندن .. البحث ......عن دستور


*حسني مبارك "آسف على الازعاج"
انت عملت اكبر "مطب صناعي"
في تاريخ مصر والله انت "وش اجرام"
وطول عمرك "دبور
ودلوقتي معاك "زهايمر"
.........باختصار انت " محترم إلا ربع"
كل الشعب بقى ينادي
"جعلتني مجرماً"
وعملت الحلو "عسل اسود"
ومن السجون "العيال هربت"
سرقت من عيونا " الفرح"
انت فاكر مصر "كباريه"
وعامل فيها "الزعيم"
وكنا... نقول يا عم عديها
"حين ميســـره"
"ليه.. يا دنيا" "هي فوضى"
باختصار حسني مبارك . "طير انت


*شتائم ما بعد الثورة:
1- الواد ده بيصفوت
2- كداب سرايا
3- يا ابن العز
4- الواد ده لازق حسني
5- بيحوّر فقي
6- عيل فاروق حسني


*مدافع عن أحمد شفيق: ادوا الراجل فرصة أكيد عنده بلوفرات تاني

===========================


12 فبراير
-بعد التحنى-

*الصعايده يخرجون في مظاهرة مليونيه غدا يطالبون مبارك بالرحيل
-نكته خفيفه عن الصعايده


*حسني مبارك يهدي مصر والشعب اغنيه تموووره الشهيره ويقول
اعتزري للي هيجي بعدي خليه يسامحني اصل انا اخدت كل حاجه ف عهدي وشوفي عهدي كان كام سنه


*واحد بيقول لمبارك ياريس انا بعت قيراط الارض اللى حيلتى علشان اوظف الواد و متوظفش
.
.
.
....
....
............
مبارك: انا بعت مصر كلها علشان اوظف جمال و متوظفش


*مبارك بعد ما مات قابل ناصر والسادات سألوه: سم ولا منصة ؟ قالهم: فيس بوك

*زين العابدين لما عرف بعت رسالة لمبارك يقوله له فيها : متنساش تجيب دراع البليستيشن معاك –


*البيان الخامس للقوات المسلحه :
إعلان نادى بلدية المحله بدلا للدورى

*الجيش يناشد المواطنين و يسأل
لسة في حد متصورش مع الدبابات؟؟

* بيان رقم واحد من الشعب :
أيتها القوات المسلحة .. أيتها الشرطة
ماتبعتوش رسايل تانى الإنبوكس إتملى
وربنا عرفنا إنكم هتكونو معانا وهتحمو البلد
كفاية رسايل بأه

*عارفين ليه الحكومة سقطت ؟؟
عشان شالت 6 مواد من الدستور


*الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس،
مما دفع ملايين التونسيين إلى المطالبة بعودة زين العابدين بن علي

*اتنين فى التحرير بيتكلموا واحد قال للتانى مبارك اتنحى
قاله هو قفش ليه احنا بنهزر

===================

*س : من هو عمر سليمان ؟
ج : هو الراجل اللى واقف قدام الراجل اللى واقف ورا عمر سليمان

*الشعب كله اختار الراجل اللي ورا عمر سليمان رئيسا للجمهورية
فمن الواضح انه راجل حازم وعسكري وشكله بشوش ومكشر علي طول ويكفي انه
جه عله وشه اللي اول مره نشوفه احلي خبر سمعته مصر
مابالكم بقي لو شفناه كل يوم ده احنا نحتل العالم كله

===================


*عاجل ... الشعار الجديد للشرطه الشرطه في عرض الشعب

*الفرق بين نوكيا وأمن الدولة
نوكيا
connecting people
أمن الدولة
collecting people

*نظرا لغياب جهاز امن الدولة قرر الاهالى بتكوين لجان شعبية لتعذيب انفسهم
والجمعة اللي جاية كلنا ننزل مغميين عينيا ورابطين ايدينا ورا ظهرنا ونطلع نوزع مولتوف ونكهرب بعض وفاءا بامن الدولة


*عاجل | أنباء عن العثور علي كل أغطية كوكا كولا اللي عليها الجادون داخل مقر أمن الدولة

*الراجل بتاع اين اشيائى _فيلم لا تراجع ولا استسلام _ يعلن العثور عن أشياءه في مقر أمن الدولة


*يعني اية كوك زيرو
يعني المصرين يقتحمو مقرات امن الدولة في مصر تقوم تونس تلغي جهاز امن الدولة

*عاجل : التليفزيون المصري ينفي وجود ما يسمى جهاز أمن الدولة ، ويهيب بالمواطنين بأن
لا ينجرفوا وراء القنوات المحرضة والإشاعات ذات الأجندات الخاصة


*العثور على عشرات الوثائق السرية فى أمن الدولة تثبت تورط كبار المسئولين و وزراء سابقين
فى قضية الفنتالوب و براءة مصيلحى من كل الاتهامات الموجهة اليه.

===================

فبراير 22
ليبيا

*نبذة عن قااااااااااائد الصحرااااااااااء:
البطاقة الشخصية للقذافى :
الاسم : عميد الحكام العرب وملك ملوكإفريقياو رئيس مراجيح مولد النبي وزعيم سلاحف النينجا العقيد القذافى ومفيش حد يعرف مين اللى ادله الالقاب دى كلها
المهنة : عارض ازياء,متخصص ترفيه,كاتب و رئيس جمهورية فى اوقات الفراغ
المعلومات الشخصية : شخصية محبوبة وذات شعبية كبيرة جدااا فى الوطن العربى من المحيط للخليج وليه مواقف عظيمة وهو اول عربى يستخدم قماش التنجيد فى صنع ملابسه الخاصة ده غير ذكائه ووسامته التى فاقت وسامة براد بيت و ليوناردو ديكابريو
أول من ساهم في استخدام قماش الملايات و الستاير كـ ملابس لرئيس دولة
أول من فضل يتكلم لمدة ساعة و نص في مجلس الأمن لحد ما المترجم تعب و جابوله مترجم تاني , و برضو مبطلش رغي
أول من قام بترجمة جملة " يزيد الطين بلة " من العربية الى الانجليزية , على مرأى و مسمع الجميع
صاحب اقصر خطبه في التريخ 11 ثانيه
صاحب نظرية خير الكلام ما قل و شل
صاحب اول خطبه في التوك توك تحت المطر
اول من قدم النشرة الجوية من توكتوك العاصمة


*صدر الزعيم معمر القذافي قرار بأن الدولة لن تبني اي مساكن للشباب ولا اي اسهامات للشباب ، و ذلك لتطبيق مقولة :
لن تبني ، ولا أنا اعرفك

*عاجل : انقلاب عسكري في ليبيا
:
:
:
:
من على دراجته النارية

*في خطابه الاخير
القذافي يتحدي البلل

*اول مره اشوف خطاب رئيس تيجي تفتح التليفزيون متلحقوش


*عاجل: قناة الجماهيرية تُعلن أن ما أذيع منذ قليل كان "التريلر"..
وسيذاع خطاب القذافي كاملاً في موسم الصيف بجميع دور العرض


*عاجل: خروج عديد من المتظاهرين في كامل الوطن العربي تحت شعار
يا قذافي يا مسلينا 10 ثواني شويه فينا

*في قضية مرفوعة علي قناة الجزيرة عشان أذاعت خطاب القذافي
مع ان حقوقه الحصرية فقط لقناة موجة كوميدي

*القذافى مش بتاع اجندات ........... القذافى بتاع شمسيات

*عاجل | القذافي يستقل التوك توك الرئاسي متجها إلي طرابلس

*ياباني و ليبي تحدوا بعض , الياباني بيقول ل الليبي احنا اغبى واحد فينا بيصنع لاب توب , الليبي رد عليه و قاله احنا اغبى واحد فينا رئيس جمهورية

*بعد جمعه النصر فى تونس وجمعه التحرير فى مصر قرر القذافى الغاء يوم الجمعه فى ليبيا

*بعد نزول القذافى فى المظاهرات ضد نظام حكمه مع شعبه وشالوه على كتفهم و هو بيهتف ...
طلب منهم يختاروا حد ينوب عنهم علشان يقول مطالبهم .. فاختاروه هو طبعا .. علشان يتفاوض مع نفسه ..
و طلب منهم فرصه يقعد مع نفسة شويه ... وغالبا المفاوضات هتنتهى بتنحى القذافى و هيمسك البلد تانى بس بصفته زعيم الثوره !!

*أنا لست ديكتاتورا لأغلق الفيس بوك .. لكني سأعتقل من يدخل عليه.

*القذافي للشعب الليبي : تظاهروا كما تشاؤن ولكن لا تخرجوا إلى الشوارع والميادين

*كل من ينتحر او يقتل نفسة سو ف يتسجن خمس سنوات

*سألو ا القذافي عن الثورة ، فرجع برأسه إلى الوراء مفكرا بعمق ، ثم قال ببطء ممممم الثورة هي .. أنثى الثور

*القذافى بيقول لشعبه: فى الصين دلوقتى فيه مولود كل ثانية وإحنا لسة متأخرين عنهم بنجيب مولود كل تسع شهور

*قذافى: ان خيار التنحى عن السلطة بالنسبة لى هو خيار مخلل

*القذافي في مذكراته يؤكد أن السبب الأصلي للطلاق هو الزواج

*القذافي سمع ببن علي "في غيبوبة .. ذهب للبحث في الخريطه : كم تبعد "غيبوبة" عن ليبيا؟؟

*حمار هربان من ليبيا وصل تونس وقفوة سألوه بتجرى ليه؟.
قالهم : القذافي أمر بذبح كل البقر !
قالوله : بس انت حمار مش بقرة ؟
قالهم : طب حد يروح يفهمه

*فتوى للقذّافي:إذا أكل شاب و فتاة من نفس الآيس كريم
وكان يحتوي على حليب... فإنها أخته بالرضاعة ولا يجوز لهما الزواج

*نصائح الرئيس القذافي
1- بر الوالدين اهم من امك وابووك
2- من اداب النظافه غسل الماء قبل شربه
3- إذا فتحت الباب ولم ينفتح تاكد انه مقفل
4-اذا اردت ان تنام ﻻتنسى اغلاق عينيك
5-ان ترجمة كلمة ( ديموقراطى ) بمعنى ديمو كراسى و قال يعنى الحكام يبفضلوا قاعدين و لازقين على الكراسى
6-المرأة يجب ان تاخذ حقوقها سواء كانت ذكر أو انثى


*القذافى يحقق رقمين قياسين خلال 24 ساعه
أقصر خطاب 11 ثانيه .. وأطول خطاب ساعتين


*سؤال محورى متوازى الساقين
وعريض المنكبين

هل القذافى يلد ام يبيض ؟
.
....
.
.
.
.
.
.
.
هو يلد
ولكنه يجعل كل من يشاهد خطابة يبيض
^_^

===================

*قبل نجاح الثوره

أبو الغيط : مصر ليست تونس ! ...
بعد النجاح
القذافي :ليبيا ليست تونس ومصر ! ...
علي عبدالله صالح : اليمن ليست مصر وتونس وليبيا ! ...
..
على المقيمين خارج حدود هذه الدول مراعاة فروق التحرير

*اسواق جدة (السعودية)بعد سنتين :
نواز شريف للاحذيه
صالون زين العابدين للحلاقة
مخابز وتموينات حسني مبارك
القذافي للخيام وبيوت الشعر
بشار للكبة والفتوش
حريري كوفي شوب
عمر البشير لتصليح السيارات
مؤسسة بوتفليقة للجبس والرخام

*يعنى ايه كوك زيرو ؟ يعني شعب مصر يتظاهر
الجزائر تلغى الطوارئ
و اليمن تعدل الدستور
و النظام المصرى لسه قاعد

*القنوات الرسمية العربية : تونس دراما ، مصر اكشن , ليبيا كوميدي


===================


*أشهر جمل شبابية حالياً :
1- أنت جامد "تحرير"
2- واحشني "مظاهرات"
3. بحبك أخر"25" حاجة
4. أنت فاكس "كنتاكي"
...5. أنت واد "أجندة"
6. الفكرة دي جامدة "دبابة"
7. انت واد "مسيل للدموع"
8. معاك مولوتوف " ولاعة "


*يعني ايه كوكاكولا زيرو ؟
يعنى خالد يوسف يتصور جنب محمد حسان !!!!!!
يعني حمادة هلال يكتشف لوحده ان شهداء 25 يناير …..ماتوا في أحداث يناير
يعني طلاب الاخوان يعملوا مؤتمر في الجامعة والأمن يوصلهم الكهربا بتاعة السماعات!
يعنى كل المصريين اللى بره عاوزين يرجعوا مصر يعيشوا و يتمتعوا بالحرية فيها و حسام حسن يهدد بالهجرة!
يعني فتحي سرور يتكلم عن تزويرالإنتخابات
يعني الإخوان المسلمين يجتمعوا بالمجلس العسكري وأمن الدولة يصبح تنظيم محظور
يعني الجيش يبعتلك مسجات أكتر من خطيبتك
يعني تفقد ذاكرتك وتلاقي امن الدولة محتفظالك بنسخة منها
يعني البرادعي يطلع عالتلفزيون عادي ومبارك مش لاقي محامي يدافع عنه

*المجلس العسكري: خلااااااااااااااااااص؟
مبارك: لسسسسسسسسه.
المجلس العسكري: خلااااااااااااااااااص؟
مبارك: لسسسسسسسسه.
المجلس العسكري: خلااااااااااااااااااص؟
......مبارك: خلااااااااااااااااااااااااااااااااااااااص
.
.
.
.
.
المجلس العسكري: نأمر بتشكيل لجنة لاسترداد أموال مصر المنهوبة في الخارج..


*رسالة من تلميذ مصري : إلى أعزائي المتظاهرين في ميدان التحرير ........بخصوص الثورة
اللي شغالة عندكم متنسوش أنها هتدخل في مادة التاريخ وأحنا اللي بنحفظ !! فأختصروا من فضلكم

*النظام(سقط)
و مصر (اتولدت) من جديد
و بما ان الشعب هوة اللى (سقط) النظام
ف الشعب دلوقتى (حامل) على أكتافه كل المسئوليات

=================================

*حماده هلال : زلزال 1 ابريل حصل في شهر ابريل

*عاااااجل التلفزيون المصرى يرجع سبب الزلزال اللى محدش حس بيه ان...
.. .. .
..
..
..
.....
المتظاهرين ف ميدان التحرير كانوا بيتطنطوا جامد اوى

*من مطالب الشرعيه و الدستوريه 1- اعاده الزلزال
2- يعرفونا قبلها بنص ساعه وقت الزلزال بالظبط علشان نحس بيه كويس دي اقل مطالبنا

*الناس اللى محستش بالزلزال بتسأل الزلزال بيتعاد الساعة كام

*يا جماعه ولا زلزال ولا حاجه انا بس كنت عامل موبايلي vibration

=======================

الإعلانات المبوبه :

*نداء للرئيس-السابق- : "إرجع يا ريس "

ارجع يا ريس قبل العيد عشان نعرف نقول عيد مبارك
ارجع يا ريس... تقريبا نسيت نور الصالون في القصر مفتوح
...ارجع لحسن شكلك هيبقي وحش قدام السادات و ناصر لما يسألوك مشيت ازاي؟
ارجع يا ريس.. وحشنا ابنك جمال .. ارجع عشان ننزل التحرير تاني وناكل كنتاكي
ارجع.. بقوا يطبخوا ع الفحم في اسرائيل.. طب ارجع يا ريس واللي اتفرم يتصلح
ارجع ياريس... شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني.. أو تامر أمين..
ارجع يا ريس انا بقيت بتكلم في السياسة براحتي
ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
ارجع ياريس شكلنا هنبقي من الدول المتقدمة
ارجع بقي ده حتي هالة سرحان رجعت, يرضيك كده يعني؟؟
يا ريس ارجع انا خايف رغيف العيش يكبر وأنا ناوي اعمل دايت
ارجع بجد, دلوقتي لما مبيعجبناش وزير بيتغير, المسئولون اتبهدلوا من بعدك!
ارجع يا ريس, الإخوان بقوا بيطلعوا في التليفزيون الحكومي
طب بص.. بلاش انت ترجع..
بس جمال وعلاء ضروري يرجعوا قبل رمضان.. هنعمل الدورة الرمضانية ازاي من غيرهم؟
إرجع يا ريس إحنا كنا بنهزر إنت قفشت ليه ؟ دى كانت الكاميره الخفيه .. تحب نذيع ؟قول ذيع ؟ .. ذيع

*بالنسبه لاخواننا بتوع "أنا أسف يا ريس" احنا في انتظار كمان جروب "معلش يا عادلي" وبالمرة "سامحني يا عز"
و "لا مؤاخذه يا صفوت" واخيرا صفحة "قلبي عندك يا سوزان يا اختي


*من المتظاهرين فى ميدان التحرير الى كل شعوب العالم العربى:
حد عنده ريس مزعله قبل اما نمشى ياجماعه ؟!


*مطلوب للعمل والأجور مجزيه :
مطلوب رئيس جمهورية
لبلد لقطة على ناصيتين
بحر ابيض وبحر احمر
وبها نهر وخمس بحيرات
و 3 اهرام و ميدان يسع 5 مليون
..................جميع الكماليات
تشطيب 85 مليون شخص
وتمتاز بخفة دم شعبها
استعمال طيار

هههههههههههههههه
دمهم خفيف وخصوصا استعمال طيار

ميرسي علي التوبيك الجميل دا

شكرا كريزى

شكرا سومه

على المرور الرائع